ازاى اكون مصمم ويب

ازاى اكون مصمم ويب

ازاى اكون مصمم ويب

تقريبا دة اول بوست اكتبه باستفاضة من فترة طويلة جدا … اتوسم فيه انى افيد شريحة كبيرة من الناس اللى حياتها العملية فى ملامح الرسم لسه ومحتاجه تعرف حتعمل ايه بالظبط .

بقالى فترة مش قصيرة بيجيلى استفسارت كتير إزاى ابدأ واعمل ايه لو عايز اكون Web Designer أو أمشى فى أى طريق بالظبط انى اكون Developer or Designer . الناس محتارة وخصوصا اللى لسه مخلص وعنده خلفية شوية بالموضوع بحكم دراسته او اللى حابب الموضوع وعايز يبدأ فيه وبردوا مش عارف يمشى فى أى سكة بالظبط… ..أو اصلا حد هو مش محدد ناوى ياخد طريق ايه فى حياته بس عايز يدخل مجال ال IT

انا هتكلم فى الموضوع ده بالعامية بعيدا عن المصطلحات اللى ممكن فى ناس كتير ماتكونش مرت عليها او مش هتقدر تستوعبها فى المرحلة دى

خلينا نكون متفقين على نقطة قبل ما نبتدى ..اى حد شغال فى المجال ده ال it عامة والمجال ده تحديدا لا يندرج تحت بند الموظف .. يعنى مينفعش تأدي شغلك كأنك بتعمل اللى يطلب منك، شغل الديزاين تحديدا محتاج إبداع أو ببساطة محتاج تكون بتحبه وداخل المجال تكون اضافة فيه وناوى تتعلم مش كونه سبوبة مش اكتر
وبغض النظر عن الشركات واللى بيحصل فيها سواء هتكون مرتاح أو لا بس أولا وأخيرا إنت مش موظف

خلينا نشوف الوضع دلوقتى بقا ماشى ازاى فى مجال الويب ديزاين من حوالى 3 سنين كده … كان الويب ديزاينر مسئول عن كل حاجه خاصة بالديزاين للسايت اللى بيعمله وكان شغله ويب سايت بس لا اكتر ولا اقل ابتداءا من الديزاين على الفوتوشوب وتقطيعه وتحويله لكود…
وطبعا بما إن كل حاجه بتتغير دلوقتى الموضوع إتغير واتفرع
خلينا نبص على الصورتين دوول ونشوف الكلام اللى بعديها

ودى ببعض التفاصيل او التقسيم الدقيق

واقعيا ده المفروض اللى بيحصل بس احنا متعودين ان مصر دايما فيها اختلافات فى كل حاجه، فأنا هقسم التقسيمة اللى موجوده فى مصر واللى اغلب الشركات ماشية بيها

خلينا قبل ما نبدا نوضح الاختلاف بين التعرفيين دول
UX : User Experience
UI : User Interface

قبل ما نبتدى نتكلم انا محتاجك تقرأ التوبك ده
http://goo.gl/x2kgfs

1- UX Designer

زى ما وضحنا فى تعريف الاسم اللى كان لازم تقرأ التوبك اكتر فى معمل الوان .. مصمم تجربة المستخدم وده التايتل اللى لسه فى كتير من الشركات متعرفش هو بيعمل ايه بالظبط او دوره، مش مجرد إنه يعمل اسكتش للويب سايت .
بحكم شغلنا كويب ديزاينر فى اجزاء احنا بنقوم بيها كونك بتقعد مع الكلاينت وتعرف وتسمع منه هو محتاج ايه وتطلع بروتو تايب وفيشوال ديزاين وتكتبله كونتنت او تشفله حد يكتبهوله حاجات كتير داخله تحت التايتل ده
ممكن دى تكون بعض المصادر اللى هتوضحلك اكتر الموضوع
http://goo.gl/lBy3ve
http://goo.gl/EOZJ2x

2- UI Designer

التايتل اللى بدأ ينتشر بصورة إلى حد ما مقبولة بس طبعا مش كل الشركات بتعتمد عليه الا القليل منها اللى بيكون عنده تيم كبير ومحتاج اكتر من تخصص …ومن ضمن اسباب انتشاره ظهور الموبايل ابليكشن
ببساطة اللى هيشتغل تحت التايتل ده بيكون مصمم بحت دراسته للكود منعدمة او على الاقل بتيجى من الخبرة لانه بيحتاج يعرف شوية مقاسات وايه اللى ممكن يتعمل وايه ميتعملش علشان ميتعبش الناس اللى هتشتغل بعده
ويمكن ده اكتر اتجاه خريجين فنون جميلة جرافيك ابتدوا يتجهوا ليه او اللى شغالين اصلا جرافيك ديزاينر ومحتاج يخرج بره بوتقة اللوجو والبرشور والجو ده … والشريحه التانيه هي اللى حَباه وعندها سنس الديزاين مش اكتر
دى مجموعة امثلة

http://goo.gl/BEb2vE
http://goo.gl/6y8c6C
http://goo.gl/bNhXN2
http://goo.gl/22odmN

3- UI Developer

التايتل الجوكر … اللى هو كان الويب ديزاينر زمان واتطور مع التطور
ده بالظبط اللى اغلب الشركات بتكون محتاجه .. الشخص اللى هيكون تحت التايتل ده مطالب انه يكون عارف الحاجات دى
HTML – CSS (90-100%)
وملحوظة كده على جنب ماتشغلش نفسك بموضوع Html5 –css3
انت محتاج الاساس بتاعك الاول وبعد كده فكر انك تعمل ابديت لنفسك
Jquery +60% اغلبنا بيستخدم الجى كويرى الجاهز وبنعدل عليه انت محتاج تكون عارف ده
Photoshop ده علشان تعمل التصميم عليه لازم تكون عارف التولز على الاقل اللى هتساعدك انك تعمل تصميم كويس

ومع التطور فى التكنولوجيا وظهور السمارت فون الموضوع ابتدى يختلف شويه مبقاش زى الاول
ممكن تقرأ ده حيفيدك
http://goo.gl/eTg3TH
http://goo.gl/3rMVwx

وكمان بقى فى حاجه عندنا اسمها Responsive Design
ده التصميم اللى بيظبط نفسه على اى مقاس شاشه وده المعنى المجرد له .. باختصار شديد زى السايت اللى بتقرا من عليه الكلام ده بص عليه على الشاشه الكبيرة وشاشة موبيلك
فى حاجات كتير ممكن اتكلم فيها تحت التاتيل ده بس حاليا مش وقتها … هيكون فى موضوع خاص بيه قريب ان شاء الله

انا ليه محددتش الشريحه اللى ممكن تدخل المجال ده لانها مفتوحه .. انت حبه والنية حاضرة مش اكتر

4-Front End Developer

او مطور واجهه المستخدم .. تايتل ابتدى يظهر على الصورة بشكل كبير.. بيكون بعيد الى حد كبير اوى عن أى حاجه خاصة بالديزاين أو برامجها .. وبيكون متجه أكتر فى إتجاه الكودنج يعنى وكمان مع الاتجاه الكبير ل HTML5 ابتدي يكون مطلوب جدا
وده باختصار محتاج يكون عارف الحاجات دى html css javascript jquery ajax
وعلى درايه بال source control زى git – svn ده لو كانت الشركة بتستخدمه اكيد
وطبعا انا منصحش الا لو كان حد حابب الكود لان انت بتكون فى مرحله بتكون متفوق فيها عن ال UI Developer خصوصا مع وجود فريم ورك كتيرة دلوقتى الموضوع بقا معقد

فى بعض النقط حابب اقولها كملخص للموضوع
1- اى مكان هتختاره من ال 4 اللى فوق مينفعش تتأقلم فيه كموظف
2- لو انت جرافيك ديزاينر وشايف ان مجال ال UI Design شد جرب نفسك فيه مش حتخسر … هتحبه اعتقد انت حتشوف الحاجه هتقول سهلة بس الوضع صعب جدا لما هتبدتى شغل فيها
3- لو حابب تتعلم كودنج لازم تمر بالمرحلة UI Developer لانها مرحلة وسط بين المرحلة اللى فوقيها واللى تحتيها .. باختصار دى اللى هتحدد انت هتنفع تكمل ولا لأ وكونك تتعلم Html – css الموضوع مش بالتعقيد الكبير.
4- انا حاولت على قد ما أقدر تكون المصادر عربية
5- انت اللى هتحدد انت ناوى على ايه ومحتاج ايه حط بلان لنفسك بس وظبط وقتك مش اكتر
6- الناس اللى حاسه إن الفرصة فاتتها مفيش حد بيفوتوا حاجه كل حاجه لسه بإيدك جرب تانى
7- موضوع انك تفضل تحدث فى نفسك ده أهم حاجه لو وقفتها مش حتنجح ودى نصيحة

النقطة بقا الكبيرة اتعلم منين

شخصيا يمكن ناس كتير تتفق معايا انا بعتبر الجيل ده من الاجيال المحظوظة … احنا اول ما ابتدينا موضوع انك تدور وتسأل حد او توصل لمعلمومة مكنش بالسهولة اللى موجودة دلوقتى فأرجوك إستغل ده، دى فرصة ليك

فى كنز اسمة جوجل اى حاجه هتقدر ادخل اكتب “hello world html” وإبدا مع أول توبك وإمشى معاها
فكرة ان الفديو أفضل من القراية والتطبيق العملى أفضل إنى أقعد اقرأ كتير كل شيخ وليه طريقة .. انت اللى هتحدد انت مرتاح في ايه المهم النتيجه اللى هتوصل ليها فى الاخر

هسهل عليكم موضوع البحث شويه
ده السايت اللى اغلب الناس بترشحه انك تبتدى بيه
http://www.w3schools.com/

ودى مجموعة فيديوهات هتلاقى فيها الفوتوشوب وحاجات تانيه كتير من تجميع صعيدى جيكس جزاهم الله خيرا
http://goo.gl/EQZm0n

الحملة اسمها ملكش حجه وانت فعلا ملكش حجه

يارب اكون وفيت فى الموضوع

لو فى اى استفسارت او تعليقات اهلا بيها .. المفروض البوست االجاى ازاى تبتدى شغل وحتعمل ايه علشان تشتغل بالظبط

تقبلوا تحياتى

The following two tabs change content below.

Ahmed Bolica

Founder and CEO of Bolica Web Design at Bolica web Design
I`m a UX Designer, Web Designer, UI Developer and SEO Specialist based in Alexandria, Egypt . I’m lucky because I really love what I do. I am currently work as Co-Founder of Alexandria Web Designers.

Latest posts by Ahmed Bolica (see all)

  • Salamon01

    great article. 🙂 But I think it’s worth mentioning that there’s a campaign against w3schools.com for its inaccurate information. you can check it out here: w3fools.com . However I still think w3schools.com is great starter for beginners at least.

    • By the way i dont like it 😀

      • Salamon01

        agreed! no professional designer/developer does! 😀

  • Ahmed Saad ElMaghraby

    very appreciated bolica ,, very helpful article =) ,,
    thanks and keep going

  • Yohaeg

    Go On Bolica (Y)

  • IdeaLayer

    Very Nice article .. thanks you and keep going

  • Eng Mohamed Lateef

    Thanks Eng Ahmed it is very nice topic …….we wait more and more from your Experience

  • Ahmed Shalaby

    كلام من دهب فعلا
    تسلم ايدك يا احمد

  • denadaman

    well written article my friend. loved the diagrams.

    • Thank y Hossam

      • Samar Goudaa

        هاللو يا احمد..مقال ممتاز..

        دلوقتي انا باشتغل business analys
        واخدت دبلومة ويب ديزاين فيها فوتوشوب واليستريتر وكمان كود
        بس انا شايفة اني ممكن ادمج المجالين واتخصص في user experience
        لانه كده كده جزء من تحديد متطلبات التصميم بتاعة العميل
        سؤالي ياريت لو توسع مقالك وتفيدنا بنوع اراسه او الكورسات المشهورة اللي بتخلي الشخص يتخصص في user experience
        وشكرا

        • سمر انا بعتزر جدا والله على التاخير وانى مش بنزل مقالات بقالى فتره
          موضوع اليو اكس مهم جدا واطلب منى انى اكتب فيه كتيير

  • Amira Ali

    Allah ynawar ya Ahmed w yft7 3lik tslam ur hand and ur brain

  • mohamed hafez

    ربنا يباركلك يا احمد انت انسان رائع

  • Hadeer

    It is amazing bgd

  • Rahma Habib

    bolica .. I’m a graphic designer tmam .. w dma3’i 7aba el Manipulation wel design wel layout brochures wel klam da .. moderi 2alli ana 3ayz arfa3k fil career w enni must learn UI developing w ashta3’al fatra kida 3lashan ab2a (Art Director mafish mno) hal ana momkn asebni mn el design el printing wel logos w kida fatra w ad5ol fil web designing coding w Ui w kida walla da hay2asar 3la el creativity wel productivityfi magal el advertising elli ana ba7ebo !

    • اهلا رحمه
      المفروض الارت دايركتور ده الحد اللى بيبقى شغال فى مجال واحد بقالو فتره طويله بياخد اكسبرنيس من مجالات تانيه اه بس الكاريري بتاعو ثابت
      الكود مفهوش ارت دايركتور

      اسمها ايه الشركه دى طيب ؟

  • Marag Musrawih

    شكرا جزيلا

  • شكرا موضوع رائع وساعدني كثيرا.. المشكلة التي واجهتها هي اللهجة المصرية صعبة .. جزاك الله خيرا ورمضان كريم

  • Sayed Sikoo

    انا بالنسبه لكلامك اكون
    front end developer
    لكن مش عارف اشتغل ازاى يعنى تقدر تقول مش لاقى شغل

    • ابدا دور يا سيد مفيش حاجه اسمها مش لاقى دور وشوف ايه اللى نقصك

  • Sayed El Senosy

    على فكرة الموضوع جميل جدا جدا جدا واتمنى فعلا انى اقدر اعمل كل ده انا عندى 18 سنة بس نفسى اكون ويب ديزاينير انا بفهم فى الفوتوشزب كويس جدا الحمد لله بس انا مش لاقى البلان اللى اقدر امشى بيها نظامى فى الموضوع ده مش لاقى اى حاجة على النت من الكورسات استفيد منها والله لو قدرت حضرتك تجبلى المواضيع بتاعت الاسطوانات التعليمية دى وتقولى ابدا بأيه لحد النهاية بالترتيب والله تبقى عملت فيا جميل مش هنساه لحضرتك طوووووووووول عمرى وشكرا

  • Mohamed Abdel Aty

    شكرا على مجهودك .. انا دلوقتى عندى مشكلة انا بكرة جدا الفوتوشوب ومش بحب التعامل معاة انا ذاكرت Html , css ومش عارف دلوقتى انا المفروض اكلم ازاى ناس بتقولى كمل php , Mysql وناس بتقولى كمل java , jquery ياريت لو تقدر تساعدنى لانى فعلا تعبت وشكرا ليك :))

  • isalm youniss

    سؤال غريب بس انا حيران والدنيا بايظه عندي، انا خريج كلية تربية وبفكر ادخل مجال تطوير الويب web development بس مش عارف الطريق الصح وعمال اسمع كورسات علي النت كله بيديني معلومات بس مفيس حد بيحاول يعرفني ازاي استخدم المعلومات دي في اني اعمل منتج نهائي فممكن لو سمحت تعمل تدوينه او تقول لنا علي مدونه تشرح الموضوع زي ما انت شرح التصميم؟

    • kamal

      فكك من دا كلة واشتغل في مجالك

      • isalm youniss

        شكرا على النصيحة 🙂

    • هبة الله عادل نصرى

      حضرتك جرب تشوف الفيديو ده هيفيدك كتير
      https://www.youtube.com/watch?v=sBzRwzY7G-k

      هيوضح لحضرتك ايه الطريق بالضبط اللى المفروض تمشى عليه … وده الخريطة الللى كان بيشرحها

      https://coggle.it/diagram/Vz9LvW8byvN0I38x

      ونصيحة صغيرة : متسمعش حضرتك لاى حد يحبطك … طالما انت مقتنع بالموضوع .. استمر واسعى واثبت لنفسك انك تقدر .. متخليش حد يقرر لحضرتك حياتك وشغلك يبقى ايه .. واستعين بربنا

  • احمد فارس

    استاذ احمد احنا بنقدم خدمة الدومين والهوست لو
    تحب تشترك معانا انت او اي حد من تلامذتك بسعر 600 جنيه في السنة شاملة
    الدومين والهوست بمساحة 20 جيجا بايت وكل حاجة بعد كدة غير محدودة ..
    01201746157 احمد فارس ….. شكرا لاهتمامك

  • Ahmed Farghaly

    انا خلصت bootstrap من w3school بس مش عارف اعمل ايه انزل tamplates واصمم زيها ولا ايه ؟؟

    dhttp://goo.gl/x2kgfs#sthash.GQ83yPKn.dpuf

  • Rania ss

    ان شالله في ميزان حسناتك وموضوع جميل جدا

  • Om Nour

    انا المكتب اللى بشتغل فيه حيعمل ويب سايت وانا اللى حبقى مسؤله عنه وانا معرفش اى حاجه ف المجال ده حضرتك تنصحنى ابتدى بايه اتعلمو عشان اكون فاهمه

  • Mohamed Hamdy

    اولا انا بشكرك ثانيا كنت محتاج افهم اكتر واتعلم ازاي اطلع شغل بالمستوي اللي حضرتك حطيط لينكاته في ui )user interface)انا عايز اقولك اني كمحمد بصراحه انت وضحت ليه كل نقطه بالتفصيل بمعني الكلمه انا عايز اعرفها لاء ومكفكش كده لاء كل كلمه وتوضيح المعني بتاعها مع رابط مقال موسع لتوضيح والايضاح بصراحه اوفيتنا وزدت زادك الله كل خير في الدنيا والاخره

    • Ali Esawy

      ممكن اعرف ايه القرصات الي لازم اخدها عشان ابقا مصمم

  • ahmed essa

    كنت عاوز اعمل website ومحتاج اتكلم مع web designer بخصوص التكلفة والوقت 01158331223 داه رقمي ahmedessa789@gmail.com وداه الميل بتاعي الموضوع جاد شكرا

  • ahmed abdallah

    هل في شغل freelancer لتصميم المواقع ؟ .. وازاي التعامل بيتم لما اشتغل في الفري لانسر ؟؟

  • egy mas

    تقدم لك شركه Ad Point افكار جذابة ومبتكره للتصميمات التي تريدها وبتكلفه تناسب ميزانيتك لمختلف الخدمات، المزيد من التفاصيل برجاء زيارة الموقع بالضغط على الرابط التالى http://www.egy-mas.com/InteractiveDesigns.aspx

  • egy mas

    Ad Point تعمل على تصميم جميع المطبوعات الخاصه من لوجوهات وكروت شخصيه وبانرات، لمعرفه المزيد من التفاصيل اضغط على الرابط التالى
    http://www.egy-mas.com/AdverstingCompanies.aspx
    او الاتصال على الارقام التالية
    2034831409+
    2034831429+
    201286366077+
    20100614500+
    أو راسلنا على أيميل الشركة
    contact@egy-mas.com

  • Omnia A. El-kader

    انا خدت دبلومه واتعملت كل ده الحمد لله بس عايزه ابدا بقى اشتغل واعمل ايه واشتغل ازا اجيب الموضوع التاني ازاي شكرا