ازاى هتبدا شغل كمصمم

ازاى هتبدا شغل كمصمم

ازاى حتبدا شغل كمصمم

المره اللى فاتت اتكلمنا ازاى تكون مصمم ويب ومحتاج تعرف ايه وتعمل ايه بالظبط علشان كل تراك تحديد … وان شاء الله حيبقى فى موضوع تانى قريب عن بالظبط انت حتعمل ايه فى كل تراك وازاى تمشى فيه وتتابع نفسك

بس دعونا ننطلق للنقطة المهمه … ازاى حتشتغل بعد ما خلاص حطيت نفسك واخدت فورمة الويب داسينر 😀

انا حتكلم فى كزا نقطه بس بردة لازم اقولك انك انت الجزء الاكبر حيكون عليك والكلام ده مش موجه لمصمين المواقع بس اعتقد اى حد وشريحه التصميم خصصيا حيستفاد منو

انت محتاج ايه قبل ما تبدا الكلام اللى حيكون موجود ده محتاج يكون عندك بروتفليو كويس ودى مشكله بتقابل ناس كتير فى فكرة انها لسا بتبدا ومفيش شغل معاها ازاى حتكون بروتفليو ؟؟

ازاي يكون عندك Portfolio

الموضوع دلوقتى بسيط لانك فى اختياريت كتير قدامك اللى عايز يشوف شغل ليك مش معنى ذلك انو عايز يشوف شغل عملته لعميل وكان بمقابل هو محتاج يشوف الدنيا عندك ايه اخبارها بس ودى فرصة كويسة ليك خصوصا لو حد طالب حد بخبرة قليلة فحرام تخسرها

دى بعد النقط اللى تقدر تكون بيها بروتفليو

1- مشاريع خاصة بيك انت

ودى تحديدا كتير ممكن تعمل سايت لنفسك – او لوالدك فى الشغل- مطرب انت بتحبو – مشروع تخرج لحد زميلك – فكرة جاية فى دماغك وحابب تنفذها

2- الدروس الموجودة اونلاين

فى مليون طريقة انك تشوف دروس على النت سواء انك تعمل PSD او تحول ال PSD ل HTML
ده مثال بسيط على الموضوع http://goo.gl/xrLVQ1
مش شرط تستخدمها زى ما هيا ابدا غير الالوان غير شكل الصفحه دخل صفحتين على بعض خد من دى لدى حاول تتطور تطلع مولود جديد ده حيفرق جدا معاك خصوصا فى الاول وحتقدر تكون بروتفليو كويس من الشغل كده … متشغلش بالك زى ما قولتك ده HTML 5 او Responsive او غيره مش دى المرحلة بتاعت الكلام ده

3- العملاء الوهميين

وده تحديدا مودل بيكون الى حد ما كويس بمعنى انك حتفكر فى كلاينت وهمى وحتبدا تعيش معاه للاخر الويب سايت ودى فكره اخرى للبوينت رقم 1 مش اكتر هيا مجرد ان الكلاينت يبقى من خياليك ودى نفس الافكار بتاعت التمبلت اللى بتباع حد فكر يعمل تمبلت لمدرسة مثلا او لجمعية خيرية .. اتحاد الكورة النرويجى 😀

4- تعديل التمبلت

تقدر تنزل اى تمبلت جاهزة مجانية وتبدا تعدل عليها ودى خطوة مش وحشة .. لانك حتفتح وتبص على الكود وحتعرف ماشى ازاى وتبدا انت تحط التعديلات بتاعتك زى ما انت حابب وتغير الوالنها الى اخره
السايتس اللى فيها التمبلت الفرى موجوده بصورة كبير مش حتتعب لو دورت على Free Html Templates
وده مثال للموضوع http://goo.gl/ZZUbqv

5- اعادة تصميم موقع بتستخدمة

اى موقع بتفتحه كل يوم ومش عجبك الداسين او حتى عجبك جرب كده تعمله Re design
الموضوع مفهوش اى مشكلة كتير من الناس بتبدا تعمل داسين وتعدل عليه ده حيفيدك جدا لو حتحطه فى البروتفليو فى موضوع السيرش

مش اشهر المواقع اللى اتعملها اعادة تصميم هو الفيس بوك وده مثال على الموضوع http://goo.gl/0KlQN5

وده مثال خاص بجوجل http://goo.gl/zaH1xJ

كده انت معندكش حجه انك تكون كونت بروتفليو على اد ما انت اتعلمت . فكرة انك يكون عندك على الاقل 5 عناصر او 6 فى البروتفليو دى فى حد ذاتها كفايه …

ماذا بعد

1- Your Website موقعك يعنى

انت دلوقتى محتاج يكون عندك موقع وفى حاليا بعد النقط اللى قولنها فوق دى عندك شغل تقدر تحطه فيه الموقع ليه مميزات كتير جدا
حتقدر تحط فيه كل شغلك والبيانات بتاعتك كانو سى فى اونلاين وباعتبار ان مينفعش يكون باب النجار مخلع لازم يكون عندك موقع

انت محتاج تنقى اعلى مستوى شغلك عندك وتحطه فى الويب سايت اغلب الشركات بتحتاج تشوف شغل حي ليك يعنى شغل مخلصه كودنج HTML – CSS وبرده على حسب تخصصك ومتنساش ان السايت بتاعك ده جزء من شغلك من البرتفليو بتاعك وده حيخليك دايما عايز تتطورة وتخليه افضل من باب الغيره عليه كل ما حتتعلم حاجه جديده حتطبقها عليه.

من الحاجات اللى الناس اخده عنها فكره غلط ان الموضوع مكلف .. انت ممكن تشترى هوستنج انت وصحابك مش حيكلفك فى السنه 200 جنيه لو انتو 4 مشتركين مثلا والدومين سعره 12 دولار او 10 تقريبا … مفيش اى تضحيه بس حيكون ليك كيانك الاونللاين .

2- الشبكات الاجتماعية

شغلك فى بداية الطريق او حتى نهايتو بيكون مبنى على العلاقات والمعارف اللى انت متصل بيهم … على ما حتقدر توصل بصورة كويسة وظريفه على اد الشغل اللى حيجيلك وممكن ميكونش من الناس دى مباشره يكون عن طريق حد تبعهم .
الموضوع اكبر من انك تديلو الكارت بتاعك او تقابلو فى افينت او يكون عندك على الفيس او لينكد ان … انت بتبنى معاه علاقة بحيث تكون انت اقرب الناس اللى حيفكر فيهم لو محتاج خدمه من الخدمات اللى انت بتعملها .
انا حتكلم على اتنين من اهم بخلاف الفيس بوك اللى كل الناس بقت موجوده عليه

– لينكد ان Linked In


لينكد ان بختصار هو Facebook for professionals وهو اكبر وانشط شبكه موجوده للشركات يعنى اى شركه محترمة حتلاقيها موجوده على LinkedIn والتيم بتاعها موجود وطبعا حبيبنا HR لو كان عندهم فانت حتكون فى وسط كوكبة من الشركات والافراد يهمك انك تكون موجود بينهم .

حتقدر فى لينكد ان انك تكون على اتصال بالناس اللى فى مجالك سواء مصميمن مبرمجين اصحاب شركات وده حيوسع دايره العلاقات بتاعتك انا اى حد مثلا بيضفنى ببص على الاكونت بتاعو ولو كان داسينر بشوف شغله فحتلاقى الموضوع ابتدى يوسع معاك فى النطاق اللى انت عايزه

لينكد ان فيه مميزات كتير من اهمها انو “LinkedIn Search Engine Optimizes” وده بمعنى ان التاتيل بتاعك فى لينكد ان حيظهر من ضمن نتايج البحث فى جوجل ودى حاجه برده مهمه وحتابن لما تكون كونت المنظومه بتاعتك الكامله السايت والسوشيال ميديا وخلافه.
بالنسبالك لينكد ان حيعتبر سى فى ليك اونلاين فى صورتك ومعلوماتك والشغل اللى انت عامله والسايت بتاعك والجروبات اللى انت مشترك فيها … تفاصيل كتير حتبين اهتمامك بالمجال نفسه . صورتك الفورمال موجوده التاتيل بتاعك الخبره بتاعتك … دراستك المهارت بتاعتك كل الحاجات دى حتكون موجوده بشكل منظم .

فى خاصية كمان فى لينكد ان انك حتقدر تتابع الشركات والوظايف المتوفره عندها وشركات كتير ابتدت تستخدم الموضوع حتى الشركات الصغيره لانها بتدور جوا شريحه الى حد ما متوسمه فيها الخير لانها بتكون فاهمه غير لما تنزل اعلان فى الوسيط والجو ده .

لينكد ان فيه ميزة حلوه جدا انك تقدر تربطة ببهانس اللى حتكلم عليه فى النقطة الجاية.

على اد ما يكون عندك بروفايل لينكد ان قوى على اد ما حتبان فى النتايج بتاعت البحث بتاعتو ده غير طبعا لو كنت شارى حساب مدفوع . 😀

ده لنيكد ان
http://www.linkedin.com
وده الاكونت الشخصى
http://eg.linkedin.com/in/bolica

– بهانس Behance


بهانس شبكه للاعمال الفنية .. حتقدر تحط عليها شغلك وتبدا الناس تشوفه وانت تشوف شغل الناس التانيه اللى حيكون صعب عليك فى المرحله دى ان الشغل اللى حتلاقيه فى بهانس كفاءتو عاليه جدا حيكون خلاف شغلك خصوصا لو انت لسا بتبدى ..
انا بعتبر ده حاجه صحيه لانك لو محتكتش بناس اعلى منك فى التفكير والتصور والتطبيق انت مش حتتحرك ومش حتتطور .

انت حتقدر يكون ليك اكونت شخصى وتقدر ترفع عليه شغلك زى ما انت حابب وحتتحكم فى كل حاجه فى الاكونت بتاعك .. حتبدا تعمل فلو للناس اللى برده فى المجال بتاعك لان ده حيكون مهمه فى تكوين الشبكة اللى انت بتحاول تدخل فيها من كل نحية .

حاول يكون على قدر الامكان ان الشغل اللى حيتحط على بهانس ميكونش بالصورة التقليدية … دلوقتى ظهرت حاجات كتير ل mockup تقدر تحط فيها شغلك وتبينه بصورة كويسة …
كل ما ال Project Presentation يكون كويس ومختلف كل ده ما حيكون فى صالحك

20 web designers to follow on Behance
http://goo.gl/2KKppm

Best Web Design – 2013 ++
http://goo.gl/UnLluX

Egyptian Web Designer on Behance
http://goo.gl/fZXZgW

ده بهانس
https://www.behance.net
وده الاكونت الشخصى
https://www.behance.net/bolica

فى طبعا مواقع لازم تكون متواجد فيها
Google+

Dribble

المقالة الجايه حتكون ازاى السى فى بتاعك يكون سى فى متكامل … وحتعمل ايه فى الانترفيو

يسعدنى تقبل الاستفسارات
تقبلو تحياتى

The following two tabs change content below.

Ahmed Bolica

Founder and CEO of Bolica Web Design at Bolica web Design
I`m a UX Designer, Web Designer, UI Developer and SEO Specialist based in Alexandria, Egypt . I’m lucky because I really love what I do. I am currently work as Co-Founder of Alexandria Web Designers.

Latest posts by Ahmed Bolica (see all)

  • hasangad

    سلمت يمينك 🙂

  • Bery Ahmed

    بجد جزاك الله خير الجزااااااااااااااء

  • Mostafa Gaber

    انتا جامد حشد وكل مرة بتبقا افضل من اللي قبلها … كمل على كده بقا ومستني كتابك في السوق عشان المعلومات تنتشر اكتر واكتر 😀

  • Nour Mostafa

    شكرا على المعلومات العظيمة دى 🙂

  • romisaa adel

    thank you so much i needed a push 😀

  • Moustafa Ahmed

    Thanks nice information 🙂

  • Pingback: Geek | Designer's Magazine | ازاي تكون مصمم ناجح()

  • Pingback: ازاي تكون مصمم ويب شاطر ؟ |()

  • fathy

    اشكرك على المجهود الرائع بس المشاريع انا كويب ديزاين افضل اشوف فيديوهات لعمل الويب على الفوتوشوب وبعد كدة دريم ويفر +المواقع الى حضرتك كاتبها هو كدة ولا فى حاجة تانية انا كويس فى html&css بستخدم الدريم ويفر .php لازم اكون عارفه هيفيدنى فى الديزاين .انا عامل

  • جميل ماشاء الله
    لميت كل النقاط اللى بتواجهه اي حد عايز يبتدي
    تسلم ايديك (Y)

  • Omar Luka

    فنااااااااااااااااااااااااااان
    جزاك الله كل خير <3

  • Oɱář Sẫɭáɱą

    معلش هو فين المقال السابق ازاي
    تبق مصمم مواقع ويب وتعمل ايه والمفروض تعمله

  • heba latief

    شكرا يا احمد ,, المقاله جميله جدا ,, بس الأجمل بقى , انى عندى شغل كثير بعمله مع نفسى ,, و مش بحب اقدمه فى البورتوفوليو بتاعى لمجرد إنه مش شغل نزل فى السوق فعلا ,, !!!! اكيد ده ضيع لى وقت كتير , بس ان شاء الله ملحوقه , و شكرا مره تانيه , بجد ,فرق معايا كثير و ادانى طاقه ايجابيه , 🙂 🙂 🙂 : )