الانترفيو … مرحله الوحش :D

الانترفيو … مرحله الوحش :D

الانترفيو … مرحله الوحش 😀

دعونا لنستكمل المسيرة

دى ان شاء الله مش اخر تدوينة … بس حنقدر نقول انها اخر تدوينة فى ازاى تكون اخدت خطوات للشغل

كان اولها ازاى تحدد التراك بتاعك وبعدين اتكلمنا حتبدا ازاى تكون بروتفليو وتعمل شغل مش تستنى الخطوه دى … ووصلنا لمرحله السى فى .. وازاى يتكتب … واخيرا احنا دلوقتى داخلين المكتب وحنعمل الانترفيو

خلينا نكون واضحين فى شويه نقط

انك انت اللى بتكون مهتم بالانترفيو بدرجه عاليه عكس الطرف التانى .. سواء لو حد اتش ار .. او حد متخصص .. غالبا مواعيد الانترفيو بتبقى فتره الساعه 12 …اللى هيا بتبقى الناس كلها بتفكر فيها حتاكل ايه 😀 وانت بتكون بتتقطع من جوا وقلقان بس ده صحى بس مش تخليه يوصل لدرجه المرض

كونك انك وصلت لمرحله الانترفيو فانت فيك حاجه مميزه عن الباقى او حاجه الشركه محتاجها منك .. فخلى عندك ثقه فى نفسك سواء اتقابلت او اترفضت مش دى القصه .. زى ما انت محتاج الشركه الشركه كمان محتاجك … وزى ماهما من حقهم يعرفوا انت حتضفلهم ايه وحتفرق معاهم فى ايه .. انت كمان حقك تعرف الشركه حضفلك ايه فى فتره العقد اللى حتقعد فيها فيى الشركه تكون هيا ضفتلك والموضوع مش موضوع مرتب بس اينعم ده عامل مهم بس مش كل العوامل

فكره انك قاعد على الكرسى مستنى دورك فى الانترفيو .. يعنى انت شغلك زى الفل او زى ما بنقول يجيى منو محتاج شويه مجهود بس فى الاول واكتساب خبرات جديده مش اكتر .. هو محتاجك بس يشوف شخصيتك واسلوبك وتفكيرك مش اكتر او اقل وانت حتكون مناسب انك تبقى موجود فى الشركه والتيم اللى فيها وجو الشغل ولا لالا

حاول بقدر الامكان تكون جاهز فى الانترفيو بحاجه اونلاين .. ويب سايت حيكون افضل او لينك بهانس اللى هو شافه وعجبه بس هو دايما حيقولك خلينا نشوف شغلك مع بعض وايه اكتر حاجه بتحبها او اخر حاجه عملتها

دايما وقت ما تتسال متخليش اجابتك كلمه ورد غاطها ده مش كويس .. يعنى ابدا اتكلم واسئل انت كمان باختصار اعمل معاه انت كمان انترفيو ..خلينا ناخد حاجه عمليه

س: ايه اكتر حاجه عجباك فى شغلك يا بوليكا

ج: فى سايت عقارت بحبه وكنت رايق جدا وانا شغال فيه

س: خلينا نشوفه

ج: اونلاين على كزا كزا …. افتكر انتو عاملين سايت عقارت قريب بتاع الشركه الفلانيه .. واضح انو من فتره بس كان طالع كويس 😀 متجاملش يعنى لو وحش قول وحش وتعليقاتك 😀 بس تكون اد الكلام فاهم يعنى 😀

خلى نمط الانترفيو يمشى كدا حوار مش سوال واجابه كل ما حتاخد وقت كتير فى الانترفيو ده انا شايفه من مصلحتك حتتقرا كويس وشخصيتك حتتقرا كويس

فى نقطه مهمه جدا الناس بتنسى تعملها قبل ما تروح الانترفيو .. قبل ما تروح الانترفيو بيكون همك تعديه ازاى .. زى ما بقولك ده مش نهايه الدنيا بس قبل ما تروح اعرف كويس انك رايح فين

يعنى انت طبعا فتره التدوير على الشغل بتبعت السى فى بتاعك فى مليون حته وومكن اى وقت حد يكلمك وانت لسا نايم تسمع نص المكالمه متعرفش اسم الشركه .. وانا صادفت ناس كتير كده فده مش كويس اى حد يكلمك لو مسمعتش اسم الشركه خليه يقولو تانى .. واعرف منو العنوان بالظبط ونوع الانترفيو حيكون ايه هو انترفيو اتش ار ولا انترفيو فنى .. حتقعد تتسال فيه وتجاوب وفى شركات كتير بتبقى عندها كزا انترفيو ودى الشركات الكبيره بس .

المهم عرفت اسم الشركه تمام ابدا ادخل اونلاين وشوف موقعها وشوف شغالين فين وعملو شغل مع مين وايه اخر حاجه عملوها … انت راجل بتاع سوشيال فابدا شوفهم بقا على لينكد ان .. اعرف على الاقل حتعمل انترفيو مع مين شى كويس جدا لما اجى اعمل انترفيو مع حد ويقولى انت فلان الفلانى .. شوفتك على لينكد ان وعارف عن الشركه كزا وكزا وده نوع من الاهتمام الكويس ..

نيجى بقا لاسئله الانترفيو .. انا مش حتكلم عن الاسئله الفنية .. لكل تخصص .. بس عمتا نصيحه لو معرفتش حاجه متفتتيش فيها هو جايب حد وعارف خبرته اد ايه ومفيش حد عارف كل حاجه وعلشان كده بقا فى جوجل واحنا اغلب شغلنا قايم عليه … فى انترفيوهات للاسف بيبقى فيها اسلوب فرد عضلات وده شى موسف فتجنب انك تقول وتفتى وانت متعرفش

فى حاجه تانيه كمان لو شغلك فى تمبلت وانت شغال بيها قول جدا عادى فكره انك عارف فى حد زاتها دى الاهم انك تعدل على التمبلت وانك تعمل كزا وكزا غير كده شغال على تمبلت شغل لوحدك حد ساعدك فيها خلى الامور واضحه

انا حجاوب على اهم اسئله حتتسال .. ولو فى حد حابب يشارك بسوال اتسئل فيه فى الانترفيو يكون تمام جدا

1- انت عايز تشتغل معانا ليه

وده سوال منطقى جدا .. وانت لو دى اول شركه ليك .. افتكر الموضوع بسيط جدا انك حاليا موهل انك تدخل سوق العمل وهما شايفين فيك كده لانهم اختاروك وقاعد تعمل الانترفيو دلوقتتى.. فانت محتاج مكان كويس يضفلك خبره مع التيم اللى موجود فيه وانت تضفله انتاج وشغل كويس من خلال خبرتك وطموحك

2- ايه الحاجه اللى شايفها كويسه فى الشركه عندنا

طبعا انت لما حتقرا وتاخد لفه عن سايت الشركه حتطلع النقط اللمميزه عندهم .. ده حيفيدك انك ترد صح على السوال ده … لو انت ليك اصدقاء ويعرفوا حد هناك حاول تاخد الفيدبالك منهم وتسمع رايهم .. بالظبط كانك بتسال على عروسه 😀

3- عايز تسيب الشركه اللى انت فيها ليه

ده نفس صيغه اول سوال بس فى حاله لو انت ناقل من شركه لشركه لشركه حيكون الموضوع صعب شويه بس لو النقل حيكون بسبب ان المرتب اعلى قول دى مفهاش اى كسوف وده مش معنى انك اى جنيه زياده حتنقل لا الموضوع ليه حسابات كتير اكيد انت النقل حيكون اضافه ليك ماديا وخبره وكل حاجه .. فكره انك تشتغل مع تيم تانى وتكنولوجى تانيه ده فى حد زاته مفيد .. بس احنا كلنا شغالين علشان الفلوس

Work for money … Design for love 😀

طبيعى جدا مع تنوع الشركات واختلاف المستويات فيها يحصل يكون طموحك انك تنقل مكان تانى .. بفكر افضل او وضع مادى احسن .. كل واحد على حسب الخطه اللى راسمها لنفسه بس راعى انك متجرحش فى الشركه اللى انت كنت فيها .. ده شى حيحسبلك .

4- متوقع مرتب كام

والسوال ده .. رده للناس اللى ناقلين من شركه لشركه

انما لو انت اول مره تشتغل انا بعترض على فكره انك توقف الخطوه دى على الفلوس… لانك اانت محتاجها فحته اصل المرتب صغير اصل انا خبرتى افضل افكس للكلام ده كلو وانزل اشتغل

الناس اللى ناقله من شركه لشركه .. طبيعى انت رايح لمكان افضل فحيكون بمرتب افضل قول مرتبك الحالى اد ايه .. وخلى موضوع انك متوقع مرتب كام مفتوح خليه بتاعهم هما اللى يحددوو ولو قالك وقت الانترفيو حاول متردش دلوقتى .. قوله حفكر وابغلك وابدا احسب الموضوع

شوف فعلا مستاهل تنقل ولا لا

والشركات مش مرتب بس دى حياه انت بتقضى هناك 8 سااعت ويمكن اكتر فا شغل ومرتب وناس شغاله معاك وفى تامين المفروض يعنى 😀 وفى مليون حاجه تانيه

فقوله حبلغك بالميل او بالتلفون ان شاء الله ده افضل منك تقولو رايك وقتى الا فى حاله انك عايز تستحمل

وهو برده مش حيقولك الا فى حاله انك انت الامل الاخير ليه خلاص 😀 ودايما بيكون حاطط لسته لو ده مجاش حيكون فيه اللى بعده 😀

انا مش عايز اطول اكتر من كده .. بس خلينا لو فى اسئله نجمعها كلها وحنزلها فى مقال جديد

لو عايز تضيف سوال ده شى يسعدنى

http://goo.gl/aG0bHc

تحياتى

The following two tabs change content below.

Ahmed Bolica

Founder and CEO of Bolica Web Design at Bolica web Design
I`m a UX Designer, Web Designer, UI Developer and SEO Specialist based in Alexandria, Egypt . I’m lucky because I really love what I do. I am currently work as Co-Founder of Alexandria Web Designers.

Latest posts by Ahmed Bolica (see all)

  • mO2menBellah

    Great topic Ahmed ,

  • Mahmoud Seif El Nasr

    – ايه اكتر مشروع انت عملته ومعجب بيه وراضي عنه ؟؟
    السؤال دا بالنسبالي كان غريب شوية .. بس بطبيعه الحال ذي ما احمد قال ..شوف مجال الشركة ايه واضرب على مشروع انت كنت عامله في مجال الشركة ..وقولهم المشروع دا ..وهاتو بالتفصيل
    – عن نفسي موضوع اللبس والبدله دا ..مهم
    مش لازم تلبس بدله علشان رايح تعمل انترفيو ..طالما مش رايح وظيفة مدير بنك يبقي متلبسشي بدله

  • wardaya

    🙂
    احسن حاجه انك جيبت نماذج لأسأله طبيعيه شويه عن اللي بيتسأل كتير في الانترفيوهات!
    وكمان الاجابات اللي مقترحها.. اقرب للصدق منها للمثالية المزيفة 🙂

    بس في اسأله متكرره جدا دايما بشوفها مش منطقيه.. وضحك ع الدقون.. يعني بيسألوا اسأله هم عارفين انك في الغالب مش هاتجاوب اجابة صريحة 100%.. يعني مثلا..
    سيبت الشركه بخناقة مع مديرك وقطعتوا بعض خناق..او مثلا اللي اعلى منك رزعك تقرير منيل بستين نيلة لأنه وارد جدا يكون شخص غتت او وارد كمان تكون قصرت في وقت ما فعلا… المهم سيبت الشركه.. لما يجي يسألك بقى عاوز تسيب المكان اللي شغال فيه ليه هاتقوله انك اتكتب فيك تقرير؟ او اتخانقت مع المدير؟.. اكيد مش هايحصل! ف انا بحسه سؤال عجيب بصراحه..
    كان ممكن يبقى السؤال.. ايه التغيير او التطور اللي مستنيه لو سيبت شركتك ورحت شركه تانيه مثلا؟

    سؤال تاني.. في عدد ما من ال HR بيتفزلكوا ويسألوه..
    قولي نقطة ضعفك؟
    😐
    -اللي هو.. يافندم انا اكبر نقاط ضعفي في حياتي كلها.. اني انسان مخلص..الشركه اللي بشتغل فيها.. هي بابا هي ماما هي كل حاجه ف حياتي…تصدق يا فندم؟ بهمل في بيتنا بسبب الشغل.. وامي هاتطلقني يافندم.. وانا مستحيل اروّح في مواعيدي.. حتى لو مش هاتدوني اوفرتايم!!
    ويقوم ال HR عينه تتقلب قلوب قال يعني اتوهم!

    طب ليه السؤال ده اصلا! 🙂
    اللي بيجاوب عارف ان اللي بيسأله ماصدقوش..واللي بيسأل عارف ان اللي بيجاوب بيستهبل !!

    سؤال كمان..
    قوليلي سبب يخلي الشركه توظفك وتختارك عن باقي المتقدمين؟
    -مممممم.. هو يافندم مش المفروض الانترفيو ده هو اللي بيحدد؟
    قولي انتي سبب شيفاه في نفسك ..
    -طبيخي توووحفه يافندم 😉

    🙂
    مع الوقت الواحد بيتمالك اعصابه وبيقدر يدور على اجابه يقدر بيها يلم الموضوع.. بس اللي مش بقدر افهمه.. ليه كلهم بيسألوا اسأله اسطنبه كده!

  • mostafa.kasem

    good job bolica , nice article

  • Mahmoud Ahmed Zizo

    ya bolica y gamed 🙂 nice one and keep on man

  • Moustafa Ahmed

    تسلم ايدك بجد موضوع مميز يا احمد منتظرين منك المزيد يا باشا 🙂