السى فى ….. CV…..

السى فى ….. CV…..

السى فى ….. CV…..

اتكلما قبل كده فى موضوعين .. انك تحدد الاتجاه اللى حتمشى فيه .. وانك ازاى تبدا يكون عندك بروتفليو
المرحله بقا دى هيا اللى بنسميها تقفيل الشغل .. واللى دايما بيكون اهم من الشغل هو تقفيلو 😀 وده حقيقة حتعرفها كويس لما تشتغل

ال CV

انا شخصيا مش بعترف بفكره السى فى بس لازال بيهم شركات كتير ولعده اسباب يمكن اهمها يشوفو اللى جاى مقدم ده مقفل الشغل ازاى .
السى فى …. طبعا احنا اتعودنا عليه فى مصر اننا ناخد سى فى اخونا الكبير او حد زملنا ونغير شويه الداتا اللى فيه … وطبعا فى جملتين لما بلاقيهم فى اى سى فى بعرف انو منقول “work under pressure” وده هو لسا مش بدا شغل من الاساس ..

يمكن المشكله اللى بتقابل الداسينر فى السى فى انو ميكونش سى فى لحد داسين ودى مشكله كبيره حعرضها فى النقط الجايه

1- انت المفروض داسينر سواء جرافيك او ويب .. باى شكل من الاشكال مينفعش يكون السى فى بتاعك ملف ورد … ولا يتقبل الموضوع على اى وجهه .. اضعف الايمان سيفيه من الورد PDF بس ملف ورد ده اتلغى .

2- دى امثله لبعض السى فيهات الخاصة بالداسين … مش لازم تعمل حاجه اوفر اوى .. بس على الاقل بين فى السى فى انك داسينر .. بتاع الوان بتقدر تنسق حط ايكون طلع السى فى شيك ..
دى بعض الامثله
http://goo.gl/ZNyjFf
http://goo.gl/nxPpFW
http://goo.gl/k4x278

فى تمبلت كتير بتكون فرى على بهانس تقدر تدور .. المفروض انت حد خبره دلوقتى

حاول تتنبهر مش تتعقد بعد ما شوفت الامثله اللى فوق دى طلع حاجه ظريفه .. بس مش لازم تقول انك داسين اوى .. يعنى ميبقاش حفله فى السى فى وبلاش فونت ال Arial فى مليون فونت فرى تقدر تستخدمهم ويستحسن انك تبعد عن الالوان الغامقه علشان لو السى فى اطبع وطبعا يكون على مقاس A4 .

3- فى حاجه اغلبنا مش بيعملها فى السى فى مع انها مهمه وهي “covering letter” ودى وظيفتها اللى يفتح السى فى قبل ما يشوفو يعرف هو سى فى لايه بالظبط ..ده صفحه قبل السى فى الاساسى بيتكتب فيها كلمتين وانا فلان الفلانى شغال كزا … بكل بساطه الموضوع بيكون مرهق جدا على اللى متولى المسوليه بتاعت السى فيها فى انو يقعد يدور ويفلتر السيفيهات اللى بتجيلو .. وكمان اغلبنا تلاقيه كاتب السى فى بتاعو .. بس مش كاتب هو التاتيل بتاعو ايه .. اعتمادا على ال Skills انو كاتب فتوشوب وغيره فهو كده بقا خلاص داسينر .

4- اهم حاجه لازم تكون باينه فى السى فى هيا خبرتك والشغل اللى اتعمل قبل كده باقى العناصر هيا عناصر ثانوية

5- راجع لغويا على السى فى كويس وده مش عيب

6- مينفعش تحط صور للبروتفليو جو السى فى .. البروتفليو يكون لينكات .. سواء بهانس او الويب سايت الخاص بيك ..
7- طبعا اسم السى فى .. اسم الملف نفسو .لازم تسميه اسمك وجمبيه التاتيل بتاعك .. انا شوفت اسماء غريبه اشهرهم واقواهم My CV اللى هو لو اتبعت لحد استحاله يقدر يدور على الاسم بتاعك ويوصل ليه .. ‘Your Name- your job title CV.pdf’.

8- لازم تستخدم ميل بروفشينال .. والافضل يكون على الجميل .. لو عندك ميل ياهو ده لازم تلغييه من حياتك .. وكمان الميل يكون على قدر الامكان اسمك يعنى مينفعش يكون thegod_father66@yahoo.com ده مش ميل لحد داخل على شغل .

9 – لما حتيجى تبعت الميل حيكون فى زى ما اتفقنا بى دى اف وحتكتب كلمتين كده كويسين فى الميل عنك .. وتبعتهم . مش اكتر ولا اقل .
10- خلى عندك سى فى من غير الكونتاكتس بتاعتك … وده بتعوزه شركات التوظيف لان هيا كده كده بتشيل ميلاتك وارقام تلفونك وكل السوشيال بتاعتك علشان تبعتو للشركات وتبدا هيا تشوف شغلها وتاكل عيش .

11- Brand yourself!
وده مش معناه انك تعمل لوجو .. بس عايز تعمل اعمل .. كل القصه خلى لنفسك ثيم معين .. لو ليك ويب سايت استخدم نفس الالوان بتاعتو فى السى فى وفى بهانس .. خلى ليك روح تانيه كده بالوانك اللى يشوفها يعرف انو انت .

12- حاول بقدر الامكان تحافظ على مساحه البى دى اف انها بالكتير مش تزيد عن 2 ميجا .. وده من ضمن الاسباب اللى قولتك بلاش تحط البروتفليو فى البى دى اف لانو برده مش صح … مفيش حد حينزل سى فى حد 20 ميجا … ده سى فى سيي.

13- عايز تحط السى فى على دروب بوكس وتبعتوا بلينك ثابت للشركات ده حل كويس وده حيفيدك كمان لو عايز تعمل ابديت للسى فى حتغير السى فى نفسو فى الفولدر على دروب بوكس واللى حيدخل اى وقت على اللينك حيشوف السى فى الجديد .

14- الويب داسينر بقا انا بنصحهم يخلى السى فى بتاعو Html وده مرحله متتطوره يعنى لو حابب ويكون رسبونسف .. ده حيسهل كتير عليك موضوع الابديت والاديت .. وحيبقى مريح جدا للناس لما تشوفو كلو دلوقتى معاه Smart phones and taps . بس برده البى دى اف حل كويس .

15- اسوء حاجه فى سى فى الداسينر انو يبقى من غير برتفليو .. لو انت معندكش بروتفليو انا شارح قبل كده ازاى تبدا تكون بروتفليو كويس.. انما غير كده متبعتش السى فى مفيش حد حيجرب حد ولا حد حيدرب حد .. الاختيارات قدامت الشركات كتير دلوقتىى .

16- اى مكان تبعت فيه السى فى خلى هدفك انك تشتغل .. انا زى ما قولتك مفيش حد بيعمل تدريب ولا الكلام ده .. انت رايح تدرب يعنى بتعطل جهاز للناس .. وبتعطل الناس اللى معاك واللى بيتابعوك لانك كل شويه بتسالهم .. غير كده حتاخد الخبره ووراد جدا تقولهم سلام عليكم .. فانت واقف عليه بخساره فى كل المستويات .

17 – اى وسيله اتصال حاططها فى السى فى يبقى لازم تتابعها سواء موبايل او ميل .. مينفعش شركه ترد عليك على الميل وانت ترد عليها بعد اسبوع وده طبعا بيحصل كتير خصوصا لما تبقى مش متعود انك تفتح كزا ميل مع بعض ومركز فى ميلك الياهو بتاع الفيس بوك اللى اصلا مش بتفتحه .

السى فى بالظبط حيكون متكون من النقط دى

– Covering Letter
– Career Summary
– Skills Set
– Key Online Work
– Responsibilities
– Personal Details and contacts info

لو فى حد محتاج اى استفسار .. انا موجود معاكم

ان شاء الله حنتكلم المره الجايه على الانترفيو .. اللى هو مرحله الوحش بقا 😀
تقبلو تحياتى

The following two tabs change content below.

Ahmed Bolica

Founder and CEO of Bolica Web Design at Bolica web Design
I`m a UX Designer, Web Designer, UI Developer and SEO Specialist based in Alexandria, Egypt . I’m lucky because I really love what I do. I am currently work as Co-Founder of Alexandria Web Designers.

Latest posts by Ahmed Bolica (see all)

  • Fahmy

    حلو اوي الكلام دا يا هندسه ،، الله ينور

  • Aasem A. SHaheen

    كلام زي الفل .. الله ينور 🙂

    عندي استفسار واحد..

    كسوشيال ميديا بقالي 3 سنين عايش من غير سي في .. مش منظرة على الناس لكن لأني كنت دايماً بواجه مشكلة مع الأونلاين تيمبليتز إنها بتكون معظمها مركزة أكتر على كارير الديزاينر .. ملقيتش حاجة بتمثل أبداً المجال إللي أنا شغال فيه أو الشخصية إللي أنا المفروض أكون بمثلها من خلال السي في، ولأن الديزاينرز إللي كلمتهم كلهم كانوا بيستعبطوا في تمن التيمبليت لو طلبت إن تتعملي واحدة مخصوص -لا مؤاخذة يعني :)- فكان الحل دايماً إني أفضل أدور في الأونلاين فري تيمبليتز ولكن مكانش في أي بصيص أمل حتى إني ألاقي إللي أنا عايزه.

    السؤال دلوقتي يكمن في التالي .. بما إن خبرتي في الفوتوشوب لا تتعدى مجرد الإيديت للايرز فأنا معنديش مشكلة مع الفكرة قدر إن المشكلة في اللايرز إللي المفروض أعملها إيديت، فهل في مكان ما أقدر ألاقي فيه تيمبليتز معمولة مخصوص للمجال بتاعي ؟

    تشكرات مقدماً 🙂

    • شكرا عاصم .. على فكره مش لازم يكون السى فى قوى اوى كداسين اد ما يكون شيك … ودى مشكله
      يعنى انت لو اعتمدت على المساحات البيضه كتير وتناسق الالوان حتطلع حاجه كويسه مهما كان مجالك

      بص السى فيهات دى
      https://www.behance.net/gallery/3-Piece-Resume/11632885
      https://www.behance.net/gallery/Professional-Resume/13469861

      دى تقريا لونين او تلاته بالكتير
      بس مفهاش اى اببداع خالص غير ان السى فى منظم وطالع شيك

      • Aasem A. SHaheen

        عاجباني ال3-piece فعلاً .. تسلم الأيادي 😀

  • Ahmed Ali

    جميل يا أحمد 🙂

    ملحوظة :
    لو هتكتب مصطلحات إنجليزية يبقى اهتم بجزئية التعريب الصحيح ، و ما ينفعش يتكتب بالشكل ده (داسين ، داسينر ، سي في ، سيفيه ، الويب داسينر)

    بالتوفيق

    • اشكرا يا احمد انا بعترف ان دى فعلا مشكله عندى وبحاول اصلحها
      نورت يا ابوحميد

  • A-Rahman Atif

    عاش بوليكا عاش … استفدت جدا
    الله يكرمك =D

  • Mahmoud Kandeel

    ممتاز 🙂

  • Mona Mohamed

    thanks 🙂

  • Sarah Mohamed Ali

    ahmed enta gmeeel 🙂

  • RA

    معلش اسف على السؤال الكلام كله تمام وكويس بس يعنى ايه بروتفلبو اسف على السؤال

  • heba latief

    شكراً يا احمد ,, الكلام اللى انت كاتبة جميل جدا ً و مهم و المفروض كلنا كديزاينرز نكون عارفينه ,, بس ده سببه ” و انا تكلم عن نفسى طبعاً 🙂 ” انى ما اشتغلتش كتير فى السوق , و لا قدمت فى شركات كثير ,, و دى يمكن مشكلتى , لانى معنديش شغل كثير اقدمة فى السى فى بتاعى ,, اوك طبعاً هكتبه بطريقه شيك و مبتكرة و جذابه و تبين شخصيتى كاديزينر ,, بس بوصل لنفس المشكلة ان شغلى قليل قوى ,, و طبعاً خبرتى قليله و بتالى بتكسف ابعت اى سى فى لآى شركة,, مع العلم انى من وقت للتانى بعمل شغل ديزاينز ” ببلاش ” بس بتعجب العميل و انا شخصياً شايفه شغل حلو و مع ذلك مش ببعت لانى ما اشتغلتش فى شركات كثير.. هل ممكن شركة تقبل ديزاينر خبرته وقليله بس شايفين ان شغله حلو من البورتفوليو بتاعه او من شكل السى فى ؟

    • ممكن طبعا وشركات كتير كمان
      هيا حتقبل الحد اللى عايز يكبر ويتطور وده بيفرق من حد للتانى

  • heba latief

    سؤال تانى , ” ينفع احط شغلى ” البوتوفوليو بتاعى ” على سى دى و احطه جو السى فى ,, ؟ ” ولا برضه الافضل يكون مكتوب ك لكنات بس جوه السى فى ؟ بسأل ليه السؤال ,, ؟ لانى لو هقدم فى جامعه ولا حاجه ,, غالباً هروح بنفسى اقدم شغلى و السى فى بتاعى ,, اكيد هبعتها على الوب سايتس الخاص بالجامعة دى ,, , بس اغتقد انه بيبقى افضل انى اروح بنفسى و اقدم .. ,,