نوعية الشركات اللى حتشتغل فيها ك Web Designer

نوعية الشركات اللى حتشتغل فيها ك Web Designer

نوعية الشركات اللى حتشتغل فيها ك Web Designer

اعتذر عن فتره الانقطاع اللى فات الحمد لله رب العالمين انا حسيت ان اللى بكتبوا فرق مع ناس كتير وفى ناس بعتت تسالنى المقاله الجايه امتا !! … فد من الحاجات بجد اللى خلتنى سعيد

اللى تابع السلسله اللى فاتت انا اتكلمت عن كل حاجه تخص اللى عايز يشتغل بس مش اتكلمت عن المكان اللى حتشتغل فيه نفسو يمكن حبيت اخر الموضوع ده شويه لسبب ما علشان اكون وصلت الرساله كامله وعرفت اراء الناس فيها .

خلينا نتكلم النهارده عن الشركات اللى حتقدر تشتغل فيها كمصمم مواقع .. ونوعيتها ودورك فيها والدنيا حتبقى عامله ازاى

منطقيا انا حقسم الشركات من وجهه نظرى الى 4 فئات من خبرتى القصيره فى الموضوع اللى مش تزيد عن 5 سنين بس اقدر اقولك ان ده افضل تصنيف انا وصلتلو

1- شركات الدعايه والاعلان Advertising agencies Co.

ممكن ده يكون اول فئه حتاقبلك فى الشغل ودى اقلها مستوى واقلها خبره ممكن تكتسبها … كل الشركات المندرجة تحت الباند دى بتبقى فى الغالب شركات طباعه واعلانات اوت دور موضوع الويب بالنسبالها بيكون سبوبه مش اكتر خصوصا لو عندهم كلاينت ومش عايزين يخرجوا بره عنهم فلو الكلاينت بيعوز ويب سايت هما بيتكفلو بيه مع احترامى برده للكلاينت اللى بيكون فى المرحله دى مش فاهم .

نوعيه المشاريع فيها بتبقى صغيره جدا موقع لشركه موقع لمحامى … حضانه مدرسه … كده يعنى مش اكتر ولا اقل وحتى لو اطلب منو حاجه كبيره مش بيكون معاه تيم يقدر يساعده فى الموضوع ده .

يمكن اسوء نقطه حتقابلها فى الشغل فى نوعيه الشركات دى ان فى الغالب حتكون لوحدك فمش حتستفاد اى خبره او احتكاك من ناس فاهمه وممكن يكون الموضوع ليه جانب كويس انك حتفضل تتعافر علشان تتعلم ولونى مش برجح الفكره دى خصوصا فى اول خطوه ليك .

تانى اكبر كارثه مش ماساه بس انك حتتعامل مع ناس مش فاهمه شغلك ولا قادر يستوعبه بالظبط هو محتاج لوحه فنيه على كيفه كانو عايز يطبع فلاير فالبمره حيطبع الويب سايت معاه .. رويتك حتكون افضل كشغل وفنيات بس هو بيبقى باصص ان الكلاينت بتاعو فاهمه وبيدافع عنو وعارف ان الراجل ده بيحب اللون البحلقى فلازم تعملهولو كده .

2- شركات ال ويب سلوشين Web solution Co.

من وجهه نظرى دى حتكون افضل خطوه انت حتبدتى بيها .. نوعيه الشركات دى بتكون مركزه فى الويب اكتر وعندها عدد لا باس بيه من الكلاينت او بتجيب .. بيبقى ليها سوق كويس متتطلبات كل كلاينت بتختلف عن الكلاينت التانى فبالتالى حتتعامل مع حاجات كتير وحتاخد خبره منها كتير جدا …

لو اتكلمنا على الجانب الكويس كمان فى الموضوع انك حتبقى موجود فى تيم ورك على الاقل 2 او 3 شغلتهم زيك ممكن يكون معاهم دفلوبر او 2 برده وفى جرافيك داسينر … الشغل بيطلع بكوالتى كويسه جدا وبيرضى العميل …. وعلى حسب امكانياتو اكيد

حتستفاد خبره كويسه جدا على فكره وخصوصا فى اول بدايه طريقك .. حتعمل داسين وكود وحتاخد فيدباك كويس وتبدا تتطور .. حتكون بروتفليو حينفعك بعد كده … حتتعرض للتكنولوجى الجديده وحتتستخدمها اوقات كتير .

اختيار ليك مناسب لو كانت دى اول خطوه ليك …

3- شركات السوفت وير … Software Co.

دى اعلى فئه حتشتغل فيها من الشركات … غير الاتنين للى فوق تيم ورك كبير … بيشتغلو ويب وموبايل فى اغلب الاوقات تيم ورك بيكون معتمد اكتر على الدفلوبر اكتر من الدايزاينر ..
نوعيه الشغل فيها مختلفه وطبيعتو مختلفه اقل بروجيكت حتشتغل فيه مش حيكون اقل من 3 شهور مثلا على حسب وضع الشركه والشريحه اللى بتستهدفها ..

شغلك مع التيم حيديك خبره كبيره جدا حتتعامل مع تكنولوجى جديده فى كل الاوقات على حسب ما البروجيكت حيتحدد ممكن يكون معاك مصمميين او فوق حد سينور او حد تيم ليدر .

نتكلم على طبيعه الشغل فى شركات السوفوير
هما تقريبا منحصرين فى نوعين

النوع الاول
شركه بتقدم خدمات ودى معناها اللى محتاج ابلكيشن سواء ويب او موبايل بيكلمها على حسب نوع الابليكشن اللى محتاجه الكلاينت بتاعها وهكذا

النوع الثانى
الشركات اللى بتعتمد على منتج بتاعها ودى كل الشركه بتبقى قايمه على مشروع واحد بس مش اكتر وكل التيم شغال عليه سواء تصميم او تطوير او تستنج كل الناس بتتكلم بلسان واحد .

الشركات اللى من النوع الاول بتتعتمد على السوق المحلى او الخارجى بكافه اشكاله واقصد بكافه اشكاله انو الكلاينت هو اللى يكلمها او هيا اللى تدور على الكلاينت وتعرض عليه خدماتها او تتجه لمواقع الفرى لانس زى Odesk وخلافه وممكن تفتح منو شغل على المدى البعيد يقدر يقوم شركه كامله بكل التيم اللى فيها.

النوع الثانى بيكون فى الغالب اصحاب الشركه اللى بيشتغلو على الفكره بتاعت المشروع او ممكن كلاينت خارجى هو الللى يكون صاحب الفكره وصاحب الفلوس وبيقدر يكون التيم والشركه تشتغل تحت اسم البروديكت .

حتلاقونى جبت سيره السوق الخارجى والكلاينت الخارجى كتير .. لان دى بقت حقيقه مصر دلوقتى بقت سوق مفتوحه بتطلع شغل بكوالتى كويسه جدا وبسعر قليل علشان كده بقا فى ناس كتير من بره مصر بتستهدف السوق ده … مش علشان بس الجوده اللى بيكون راضى عنها لكن علشان السعر كمان .. اقرى كده التوبك ده http://goo.gl/LLsV77
حتعرف السبب .. احنا موجودين فى اقل 5 دول على مستوى العالم فى اسعار المرتبات بالنسبه لكل التخصصات دى

  • Senior Web Developers
  • Web Developers
  • PHP Web Developers
  • Web Designers
  • Senior Web Designers

علشان كده حتقابل كتير من الشركات مش معروفه ولا تسمع عنها حاجه هيا مجرد مكان مفتوح فيه ناس شغاله وكل الشغل لعميل بره مصر .

طيب انت بالنسبالك … كمصمم المفروض الموضوع مش وحش بس انا من وجهه نظرى مش حلو انها تكون اول خطوه ليك لانك جاى من لا خبره حتخش فى ارض معركه مش حتقدر تشم فيها نفسك غير انت ممكن مترتحش انك مش بتشوف شغل ليك لايف … فى ناس بتقعد تشتغل على بروجيكت سنتين او تلاته مثلا وممكن حيفضلو كده طول العمر خصوصا لو كان منتج عندهم

انت حتاخد خبره فى مجالات تانيه كتير بس مش حتكون بروتفليو اللى هو اهم خطوه كمصمم الا لو فى حاله انك شغال فرى لانس بقا ومولعها ده حيعوض ده ده رايى على فكره اللى انا مقتنع بيه جايز يكون غلط وراد طبعا

4- الشركات الناشئه Startup Co

اكيد سمعت الكلمه دى استارت اب .. دى ناس لسا بتبدا رحله كفاحها المسلح وبيشقوا طريقهم فى النجاح .. بيكون تيم صغير فى الغالب ممكن يشتغل اى نوعيه من النوعين اللى فوق او حتى النوع الثالث على المستوى المحددود المناسب ليه مش اكتر

بس فى الاغلب بيكون هو منتج التيم كلو بيشتغل عليه …
الموضوع ده نسبى من حد للتانى بس انا نصيحتى ليك فى نوعيه الشركات الاستارت اب .. لو محستش انك جزء من الشركه مش حتضيف لو مش ضفت يبقى شوف مكان تانى افضل .. لان الناس بتبقى قايمه على الروح اكتر .

كل اللى مكتوب يحمل راي الشخصى فقط
ياريت اى حد عندك اى تعليقات اهلا وسهلا بيها
تحياتى

The following two tabs change content below.

Ahmed Bolica

Founder and CEO of Bolica Web Design at Bolica web Design
I`m a UX Designer, Web Designer, UI Developer and SEO Specialist based in Alexandria, Egypt . I’m lucky because I really love what I do. I am currently work as Co-Founder of Alexandria Web Designers.

Latest posts by Ahmed Bolica (see all)

  • هل الموضوع صعب ان الواحد يبقى entrepreneur فى بدايته حياته وهل هى كبدايه صح ولا الواحد يستنى ياخد خبره الاول فى مجاله ويحتك بسوق العمل علما ان انا عندى فكره مشروع ونفسه اعمله بس للاسف مش معايا تمويل دلوقتى وهل الواحد بيواجه صعوبات لو المشروع بدا على ارض الواقع وبقى حقيقه ياريت ترد عليا رايك يهمنى وشكرا مقدما

    • الموضوع مش صعب ومش سهل يا محمد برده حتقابلك صعوبات كتير ولازم يكون فى نفس طويل عندك

  • Topic 7elw awe ya Ahmed, Allah yenawar bro.

  • شكرا بوليكا .. عاش يا زعيم ^_^

  • Amir ELsayed

    Good job buddy 😉

  • احمد فارس

    السلام عليكم .. يا جماعة احنا بنقدم خدمة الدومين والهوست لو
    تحب تشترك معانا انت او اي حد من تلامذتك بسعر 600 جنيه في السنة شاملة
    الدومين والهوست بمساحة 20 جيجا بايت وكل حاجة بعد كدة غير محدودة ..
    01201746157 احمد فارس ….. شكرا لاهتمامك

  • Totally agree with you 🙂 (Y)

  • Mohamed Abouelsaad

    (Y)